18 may tarixində Ölkəmizdə artıq 5-ci dəfə keçirilən Biznes İdarəçiliyi forumunda “ATS Food” MMC-nin direktoru Tural Hacıyev spiker qismində iştirak etmişdir. Tural bəy spiker olduğu paneldə “Zərərdən mənfəətə aparan idarəetmə alətləri” mövzusunda iştirakçılarla öz idarəetmə təcrübəsini bölüşmüşdür.

Mövzu əsasında “Çörəkçi” markası üzrə uğur hekayəsini forum iştirakçıları ilə paylaşan Tural bəy bu yolda idarəetmə istiqamətində atılan addımları, qısa müddətli və uzun müddətli  dövr üçün qoyulan hədəflərə çatmağın yollarını, uğurun əsasında isə komanda işinin olduğunu bildirmişdir.

Tural Hacıyev aşağıdakı fikirləri ilə yadda qaldı

1.      Zərərdə olan biznesdə ilk görülməli iş daha az resursla daha yaxşı performans göstərməkdir. Bunun üçün ilk növbədə enerjinin daha düzgün və effektiv istifadə olunması üçün prioritetlər doğru təyin olunmalıdır.

2.      Özünüzü, rəqibinizi və fəaliyyət göstərdiyiniz biznes mühitini tanımalısınız.

Daxili audit edərək öz potensialınızı, cari vəziyyətinizi, planlarınızı analiz edərək özünüzü tanımalısınız.

Xarici audit edərək rəqiblərin satış gücünü, istehsal gücünü, marketinq planlarını və digər aktivliklərini izləməli, analiz etməli, ümumi bazarda olan boşluqları, trendləri, təhlükələri dəyərləndirməlisiniz.

Sun Tzunun bu fikriləri ilə məsələni daha aydın izah etmək olar.

Həm düşməninizi, həm də özünüzü yaxşı tanısanız zəfər sizindir. Sadəcə özünüzü tanıyıb düşməninizi tanımasanız, qazandığınız hər qalibiyyətin məğlubiyyətini də görəcəksiniz. Nə özünüzü, nə də düşməninizi tanımırsınızsa, uduzmağa məhkumsunuz.

3.      Biznes zərərdədirsə qırılmış sistemi, parçalanmış sistemi təmir edib yenidən formalaşdırmağın ən dayanıqlı və uzun müddətli yolu «RUH» dur. Ruh vasitəsi ilə bütün resurslarımız arasında bağ yaradıb onların harmoniya və motivasiya ilə fəaliyyət göstərməyinə nail oluruq. “Ruh”u olan bir firma, ruhu olmayan bir firmadan hər zaman daha üstündür.

Sistemi birləşirəcək “ruh” yaratmaq üçün istifadə etdiyim əsas dəyərlər:

4.      Werbank ol

Zərərdə olan şirkətlərdə enerji səviyyəsi çox aşağı olur. Komandanızı ayaqda saxlamaq üçün onların enerji mənbəyinə çevrilməyinizə ehtiyac var. Rəhbərlik etdiyiniz komanda üzvlərinin enerjilərini bərpa edəcək “powerbank” olmalısınız.

Bunun üçün isə ən dayanıqlı vasitə inanmaq və bu inancı digərlərinə aşılamaqdır. İnam olduqda qarşımızdakı hədəflər daha aydın görünəcək 

Xatırladaq ki, 2013-cü ildən fəaliyyət göstərən “Çörəkçi” zavodunun gündəlik istehsal gücü 150 tondur. Almaniyanın Werner&Pfleiderer şirkətinin avadanlığı və texniki dəstəyi ilə qurulmuş zavodda istehsalın hər bir mərhələsinə ayrı-ayrılıqda nəzarət sistemi tətbiq olunub.

“Çörəkçi” markası üzrə əl dəyilmədən, tam avtomatlaşdırılmış qaydada istehsal olunan çörək və çörək-bulka məmulatları bu sahədə olan təlabatı qarşılamaqdır.