Müəssisənin “Bismak” markası ilə istehsal etdiyi şirniyyat və un məmulatları yerli bazarın lideridir. Markanın məhsullarını istehsal edən “Bismak” zavodu 06.04.2004-cü il tarixində təsis edilmişdir. 2005-ci ilin noyabr ayında zavodun açılışında Azərbaycan Respublikasının Prezidenti cənab İlham Əliyev iştirak etmişdir.

Zavod 81,600 m² sahəni əhatə edir. Zavodda müasir üslubda tikilmiş üç mərtəbəli ofis binası, 6 istehsal xəttinə sahib “Biskvit” fabriki, 3 istehsal xəttinə sahib “Makaron” fabriki, müasir dəyirman kompleksi, 2 şokolad istehsal xətti, 1 marmelad xətti və 1 draje xəttindən ibarət “Şokolad” fabriki mövcuddur. Zavodda 350 nəfərdən artıq işçi çalışır. “Bismak” zavodunun yaradılmasında məqsəd yeni texnologiyalar əsasında yüksək keyfiyyətli məhsul istehsal etməklə yerli istehsalı gücləndirmək və xarici bazarlara rəqabət qabiliyyətli məhsullar ixrac etməkdir.

Bismak Zavodunda İstehsal Olunan Məhsullar

Şəkərli peçenye:
- “Moskva”
- “Qız qalası”
- “Buratino”
- “Zolotoy yubiley”
- “Toplyonoye moloko”

Sərt peçenye:
- “Sport”
- “Petit Buerre”

Kömbə peçenye:
- “Chatty”

Kremli peçenyelər

Pryanik

Kreker

Vafli

Un və Makaron

Biskvit

“Çörəkçi” zavodu Azərbaycan Respublikasının Sahibkarlığa Kömək Milli Fondunun güzəştli krediti və “ATS Food” MMC-nin vəsaiti hesabına 14.01.2013-cü il ildə təsis edilmişdir. Zavodun açılışında Azərbaycan Respublikasının Prezidenti cənab İlham Əliyev iştirak etmişdir. Zavodun təsis edilməsində məqsəd sanitar-gigiyenik norma tələblərinin gözlənildiyi istehsal müəssisəsində, əl dəymədən, tam avtomatlaşdırılmış qaydada istehsal olunan çörək və çörək-bulka məmulatları ilə bu sahədə olan təlabatı qarşılamaqdır.
Almaniyanın Werner & Pfleiderer şirkətinin avadanlığı və texniki dəstəyi ilə qurulmuş zavodda istehsalın hər bir mərhələsinə ayrı-ayrılıqda nəzarət sistemi tətbiq olunub.
“Çörəkçi” zavodunun gündəlik istehsal gücü 150 tondur.
“Çörəkçi” zavodu şirniyyat çeşidləri, buğda tərkibli çeşidlər, çovdar tərkibli çeşidlər istehsal edir.
•    Buğda tərkibli çeşidlər: Lavas, Zavod çörəyi, Baton ekstra, Baton sadə, Dönər, Tost
•    Çovdar tərkibli çeşidlər: Zirəli çörək, Kömbə çovdarlı, Borodino, Alman, Mayasız, Pəhriz, Qara tost
•    Şirniyyat çeşidləri: Kruassan, Yumo Yum bulka, Qat-qat şokoladlı bulka, Kətə, Korjik
•    PL məhsullar:  Baton ekstra 400 qr, Baton zırelı 400 qr, Baton kəpəklı 400 qr, Zavod çörəyi, Kruassan

2005-ci ildə istifadəyə verilmiş “Bismak Makaron” zavodu yüksək keyfiyyətli xammallardan istifadə edərək istehlakçılara xidmət göstərən bir müəssisədir. Zavod gün ərzində 30 tondan çox makaron istehsal edir və daxili tələbatı tam şəkildə ödəyir. Bundan əlavə, müəssisə bir çox ölkələrə də məhsul ixrac edir.

Bismak Makaron Zavodunun İstehsal Etdiyi Məhsullar:

“Bismak” markası altında istehsal olunan makaron çeşidləri 400 q və 5 kq qablaşdırmalarda təqdim olunur:

1. Bismak Qələmkəsmə
2. Bismak Burğu
3. Bismak Vermeşil
4. Bismak Boruvari
5. Bismak Celentano
6. Bismak Deveboynu
7. Bismak Spagetti

“Odad” markası altında istehsal olunan makaron çeşidləri 500 q və 5 kq qablaşdırmalarda təqdim olunur:

1. Odad Qələmkəsmə
2. Odad Burğu
3. Odad Vermeşil
4. Odad Boruvari
5. Odad Celentano
6. Odad Dəvəboynu
7. Odad Spagetti

“ATS Food” MMC -yə məxsus “Çörəkçi” zavodu Şəmkir şəhəri, Tofiq İsmayılov küçəsi 13 ünvanında yerləşir. Zavodun yerləşdiyi ümumi torpaq sahəsi 2,055 ha ərazini təşkil edir. Zavodun təməli 07 mart 2014-cü il tarixində qoyulmuş, 15 noyabr 2014-cü il tarixində açılışı olmuşdur. Zavodda rəsmi olaraq 261 nəfər işçi çalışır. Ərzaq təhlükəsizliyinin və əhalinin keyfiyyətli çörək məhsulları ilə təmin edilməsi məqsədilə çörək zavodu Almaniya, Hollandiya, Çexiyanın ən son texnologiyası əsasında qurulub. Zavoda məxsus 2  mağaza fəaliyyət göstərir. Zavodun daxili və xaricində olan mağazalarda müəssisədə istehsal olunan tort, şirniyyat və çörək çeşidləri satılır. 
      Zavodun gündəlik istehsal gücü 35 ton, illik isə 12775 tona yaxındır. Zavodda 4 çörək , 2 şirniyyat istehsalı xətləri, qablaşdırma xətləri və soyutma kameraları quraşdırılıb. Çörək xətləri MCS, BENİER, J4, DİREM və şirniyyat xətləri OMİDİ, RONDO xətləridirki ki, onların da dövriyyələri aşağıdakı kimidir :
1.    MCS – 530 (kq/saat)
2.    J4 – 630 (kq/saat)
3.    BENİER – 600 (kq/saat)
4.    DRİEM – 450 (kq/saat)
5.    OMİDİ – 120 (kq/saat)
6.    RONDO – 40(kq/saat)
     Zavodda 907.00 kv.m olan xammal anbar, hər birinin tutumu 47 kub olan dörd ədəd silo (unun istehsalda avtomatlaşdırılmış formada istifadəsi üçün) çənləri, hazır məhsulun saxlanması üçün sahəsi 560.00 kv.m olan hazır məhsul anbarı mövcuddur. Zavodda 14 çeşiddə çörək istehsal olunur. Çörəklər əla növ buğda(zavod çörək, lavaş, baton ekstra çörək  və s.) və çovdar unundan ( borodino çovdarlı çörəyi, alman çörəyi, mayasız çörək və s.) hazırlanır. 
“ATS FOOD“ MMC – Şəmkir istehsalat sahəsinin çeşidlərini təqdim edir. 
•    Buğda tərkibli çeşidlər: Lavaş, Əsgər çörəyi, Zavod çörəyi 450qr , Zavod çörəyi 370qr, Zavod çörəyi 600 qr  
•    Çovdar tərkibli: Borodino çovdarlı 400 qr, Kömbə çovdarlı 450 qr, Alman çörəyi 450 qr, Mayasız çörək 450 q
•    Şirniyyat çeşidləri: Pryanik 400 qr, Pryanik 400 qr, Molli 300 qr ,Tutti 3 kg, Tutti 500 qr, Kətə, Korjik, Kruassan, Tort
•    PL məhsullar: Baton ekstra 400 qr, Baton zirəli 400 qr, Baton kəpəkli 400 qr

“Bismak Şokolad” fabriki dünya standartlarına cavab verən, gündəlik istehsal gücü 30 ton olan 6 istehsal xəttindən ibarət avadanlıqlarla təchiz olunmuşdur. Fabrik çeşidli şokolad, pralin, draje, marmelad və digər qənnadı məhsulları ilə təmsil olunur.

Şokolad İstehsal Sahəsində Çeşidlər:

- Damla şokolad: Bitter damla şokolad, ağ damla şokolad, südlü damla şokolad
- Qəpik şokolad: Bitter qəpik şokolad, ağ qəpik şokolad, südlü qəpik şokolad
- Kuvertür şokolad: Bitter kuvertür şokolad, ağ kuvertür şokolad, südlü kuvertür şokolad
- Pralin

Zavod kompleksinə daxil olan taxıl anbarı və un dəyirmanı Türkiyənin aparıcı şirkətlərinin texnologiyası əsasında qurulmuşdur. Taxıl məhsullarının tədarükü və saxlanması üçün hər birinin tutumu 4 min ton olan 6 anbar inşa olunmuşdur. Anbarda quraşdırılmış təmizləmə və qurutma sistemləri tədarük olunacaq taxıl məhsullarının itkisiz və uzun müddət ərzində saxlanmasına imkan verir. Kompleksin tərkibində taxıl anbarının olması xammal bazasının yaradılması baxımından əhəmiyyətli rola malikdir. Taxıl anbarı kompleksinə daxil olan un, dəyirmanın və çörək zavodunun fasiləsiz fəaliyyətini təmin edir. Gündəlik istehsal gücü 250 ton olan dəyirman kompleksində ən son texnologiya sayılan quru təmizləmə sisteminin tətbiqi digər ənənəvi dəyirmanlardan fərqli olaraq daha geniş həcmdə əla, birinci və ikinci növ keyfiyyətli un istehsalına tam şərait yaradır.