Həm istehsalçı partnyorlarının, həm də müştərilərinin tələblərini yüksək səviyyədə qarşılayan "ATS Food" MMC iri logistika mərkəzlərindən birinə sahibdir. Güclü anbar və logistika imkanları, təcrübəli satış komandası olan şirkət Azərbaycanın bütün bölgələrinə məhsullarının satışını təmin edir.

Həmçinin, dünya bazarında Azərbaycan məhsulları haqqında məlumatlılığın artırılması, keyfiyyətli yerli məhsulların ixracının stimullaşdırılması və istehsal müəssisələrində istehsal olunan istehlak məhsullarının beynəlxalq standartlara cavab verməsinin təmin edilməsi "ATS Food" MMC-nin prioritet istiqamətləri sırasındadır. Bu istiqamətlərdə aparılan işin nəticəsi olaraq ixracat fəaliyyətini nümunə göstərmək olar. Hazırda "ATS Food" MMC-nin "Bismak" markası ilə istehsal olunan peçenye, vafli və makaron məhsulları Azərbaycanın bütün bölgələri ilə yanaşı İsrail, Gürcüstan, İran və digər ölkələrə ixrac olunur.